“Инникигэ хардыы”

      Үөрэх дьылын саҕаланыытыгар учууталлар атырдьах ыйынааҕы мунньахтарыгар Бүлүү улууһун үөрэҕириитин начальнига М.Н.Куличкина учууталлар иннилэригэр үөрэнээччи научнай-чинчийэр үлэтин сайыннарыыга сорук туруорбута. Бу соругу толорор сыаллаах уонна оҕону кыра сааһыттан научнай-чинчийэр үлэҕэ сирдиир баҕалаах 7 учуутал үлэлиир. Учууталлар үөрэнээччилэрин кытта сыл устата, үгүстэр хаһыс да сылларын талбыт темаларынан араас өрүттэринэн үлэлииллэр. Ол түмүгүнэн араас таһымнаах НПК-рга кытталлар.

   Ахсынньы ый саҕаланыыта сыллата ыытыллар “Инникигэ хардыы” НПК улуустааҕы, онтон салгыы региональнай түһүмэҕэ буолан ааста. Манна биһиги үөрэнээччилэрбит ситиһиилээхтик кытыннылар. Ол курдук, улуустааҕы күрэххэ үгүс бириистээх миэстэҕэ тигистилэр: 5 кылаас үөрэнээччилэрэ Боронова Айсаана “Модульное оригами и математика ” (сал. Боронова А.Н.) - 2 миэстэ, Еремеева Аэлита “Якутские имена на китайском языке ”  (сал. Макарова В.Н.) диэн сонун теманан кытынна, 8  кылаас үөрэнээччилэрэ  Еремеева Наташа “Дьэрэмиэйэптэр удьуор бас-көс дьон”  (сал. Сергина З.Н.) - 1 миэстэ, 10 кылаас үөрэнээччитэ Егорова Анита “Я против курения” (сал. Яковлева И.Н.) - 1 миэстэ, Прокопьева Саина “Влияние комнатных растений на эмоциональное состояние учащихся” (сал. Васильева А.И.) - 3 миэстэ, Назаров Ульсен “ Булт-айылҕа оскуолата”  (сал. Еремеева М.И.) теманан региональнай күрэххэ кыттыыга рекомендация ылла. Улуустааҕы түһүмэххэ миэстэлээхтэр салгыы региональнай таһымҥа кытыннылар. Манна Еремеева Наташа, Егорова Анита 3 миэстэни ыланнар, республиканскай күрэххэ Бүлүү сүнньүнээҕи улуустар чиэстэрин көмүскүөхтэрэ.

   Биһиги гимназия коллективын аатыттан ситиһиилээх үөрэнээччилэрбитин уонна кинилэр салайааччыларын эҕэрдэлиибит, инникитин өссө үрдүк ситиһиилэри баҕарабыт! Саҥа Дьыл бырааһынньыктарын сэргэ «Инникигэ хардыы” НПК республикатааҕы күрэҕиттэн ситиһиилэри күүтэбит.

Директоры НМ үлэҕэ

 солбуйааччы Кондратьева С.А.